• 06 12, 2024

Yoshlar huquqlari konstitutsiya himoyasida.

Mamlakatimizda amalga oshirilgan konstitutsiyaviy isloxotlar oʻz mazmun mohiyati bilan “inson-jamiyat-davlat” degan tamoyilni konstiitutsiyaviy qoida sifatida muhrlashga, xalqparvar davlat barpo etishga, inson huquq va manfaatlari himoyasini kuchaytirishga qaratilgani bilan ahamiyatlidir.

Yangi tahrirdagi Konstitutsiyada davlat tomonidan yoshlar huquqlari  himoyalanishi va ularning jamiyat va davlat hayotida faol ishtiroki ragʻbatlantirilishi kafolatlab qoʻyildi. Shuningdek Bosh qomusimizda davlat, yoshlarda milliy va umuminsoniy qadryatlarga sodiqlik, xalqning boy maʼdaniy merosidan faxrlanish, vatanparvarlik tuygʻulari shakllanishiga gʻamxoʻrlik qilish belgilandi. Shuningdek yangilangan konstitutsiyamizda uzluksiz taʼlim tizimi uning har hil turlari va shakllari, davlat va nodavlat taʼlim tashkilotlari rivojini taʼminlash davlatning vazifasi etib belgilanganligi ham maqsadga muvofiqdir.

Ushbu asosiy qonunimiz barcha sohalar qatori taʼlim tizimini ham sifatli va mazmun jixatdan yangi bosqichga koʻtarishda muhim huquqiy asos boʻlib xizmat qilmoqda. 

Muhtaram yurtboshimiz rahnamoligida amalga oshirilayotgan izchil isloxotlar navqiron avlod kamoloti yoʻlidagi gʻamhoʻrliklar Bosh qomusimizda belgilangan huquq va kafolotlarning amaldagi ifodasidir. Mamlakatimiz istiqbolini taʼminlashda, erishilayotgan barcha yutuqlarning huquqiy asosi boʻlib xizmat qilayotgan Konstitutsiyamizni bilish, har bir fuqaroning nafaqat huquq va erkinliklari kafolati, balki davlat va jamiyat oldidagi burchidir.  

Xulosa qilib aytganda yangilangan konstitutsiyamiz Oʻzbekiston yoshlari manfaati balki butun jamiyatimizning dunyoqarashi keng, mustaqil fikrlaydigan avlodni voyaga yetkazish va mamlakatimizning kelgusi taqdiri uchun muhim ahamiyat kasb etib, ayniqsa yoshlarni bilim olishga, malakali mutaxassis boʻlib voyaga yetishga jalb qilishda, ularni kuchli, bilimli dono va baxtli avlod boʻlib yashashini taʼminlashda asosiy hujjat boʻlib xizmat qilmoqda. 

 

Guliston tumanlararo iqtisodiy

sudi raisi Maxmudov Bexzod Ulugʻmuradovich